ກຸ່ມບໍລິສັດ ພອນສັກ ມີຄວາມພາກພູມໃຈເປັນຢ່າງຍິ່ງຕໍ່ການມີສ່ວນຮ່ວມໃນການຊຸກຍູ້ສົ່ງເສີມການພັດທະນາເສດຖະກິດ-ສັງຄົມຂອງປະເທດ, ພ້ອມທັງຄວາມພະຍາຍາມຢ່າງຕໍ່ເນື່ອງໃນການຊ່ວຍຍົກລະດັບຊີວິດການເປັນຢູ່ຂອງພະນັກງານ ແລະ ຊຸມຊົນທ້ອງຖິ່ນ.
ກຸ່ມພອນສັກມີປະຫວັດອັນໂດດເດັ່ນໃນການປະກອບສ່ວນຕໍ່ການພັດທະນາກິລາ ແລະ ການສຶກສາໃນ ສປປ ລາວ, ຕັ້ງແຕ່ການອຸປະຖຳໂຄງການກິລາ ແລະ ການແຂ່ງຂັນລະດັບຊາດ ຈົນເຖິງການບໍລິຈາກຄອມພິວເຕີ ເພື່ອສະໜັບສະໜູນການພັດທະນາໂຮງຮຽນ ແລະ ການສຶກສາ ສຳລັບປະຊາຊົນລາວ.
ກຸ່ມບໍລິສັດ ພອນສັກ ຈຳກັດ ຍັງໄດ້ອຸທິດດ້ານທຶນຮອນເຂົ້າໃນການພັດທະນາແຫຼ່ງຊັບພະຍາກອນ ເພື່ອປັບປຸງຊີວິດການເປັນຢູ່ຂອງຊຸມຊົນທີ່ຢູ່ອ້ອມຂ້າງຂອງເຂດໂຄງການ, ເປັນຕົ້ນຢູ່ ແຂວງສາລະວັນ, ກຸ່ມບໍລິສັດ ພອນສັກ ຈຳກັດ ໄດ້ປະກອບສ່ວນກໍ່ສ້າງສະຖານທີ່ເຮັດກິດຈະກຳ ແລະ ຫໍພັກສຳລັບໂຮງຮຽນສາມັນກິນນອນຊົນເຜົ່າແຂວງສາລະວັນ ແກ່ນັກຮຽນທີ່ດຳລົງຊີວິດ ແລະ ຮຽນຢູ່ທີ່ນັ້ນ. ກ່ອນໜ້ານັ້ນນັກຮຽນແມ່ນຍັງບໍ່ມີພື້ນທີ່ຈະຈັດກິດຈະກຳຕ່າງໆ.
ກຸ່ມບໍລິສັດ ພອນສັກ ຈຳກັດ ຍັງໄດ້ໃຫ້ການຊ່ວຍເຫຼືອດ້ານທຶນການສຶກສາ ແກ່ນັກຮຽນພິການໃນ ແຂວງວຽງຈັນ ແລະ ຈະສືບຕໍ່ໃຫ້ການສະໜັບສະໜູນໃນແຕ່ລະປີຈົນກວ່າຈະຮຽນຈົບມັດທະຍົມສາມັນສຶກສາ.
11 ຮູບ
ກຸ່ມບໍລິສັດ ພອນສັກ ໄດ້ມອບເຄື່ອງຊ່ວຍເຫຼືອ ແລະ ທຶນການສຶກສາ ໃຫ້ແກ່ເດັກນ້ອຍພິການ ຢູ່ສະມາຄົມຄົນພິການ ເມືອງໄຊເສດຖາ ນະຄອນຫຼວງວຽງຈັນ
14 ຮູບ
ມຸ່ງໝັ້ນສົ່ງເສີມການສຶກສາ, ກິລາ ແລະ ພັດທະນາຊຸມຊົນ ເພື່ອຍົກລະດັບຄຸນນະພາບຊີວິດ ແລະ ສ້າງໂອກາດທີ່ດີໃຫ້ແກ່ສັງຄົມລາວຢ່າງຍືນຍົງ.
ກຸ່ມບໍລິສັດ ພອນສັກ ມີຄວາມມຸ່ງໝັ້ນທີ່ຈະຮັບປະກັນຄວາມຍືນຍົງຂອງບໍລິສັດ ໂດຍການສືບຕໍ່ລົງທຶນເພີ່ມເຂົ້າໃນດ້ານເຕັກໂນໂລຊີ ແລະ ບຸກຄະລາກອນ ຂອງຕົນ, ພ້ອມທັງມີຄວາມພາກພູມໃຈ ທີ່ໄດ້ມີສ່ວນຮ່ວມຢ່າງຕັ້ງໜ້າ ເຂົ້າໃນການພັດທະນາເສດຖະກິດ-ສັງຄົມ ຂອງປະເທດ ດ້ວຍການສ້າງວຽກເຮັດງານທຳໃຫ້ແກ່ຊຸມຊົນທ້ອງຖິ່ນ ແລະ ຜູ້ຮັບເໝົາຈຳນວນຫຼວງຫຼາຍ ໃນທຸກໆ ຂະແໜງທຸລະກິດຂອງຕົນ.
